حتفضل تجرى فى الدنيا
تجرى عشان تعمل فلوس وتبقى اشطر واحد وترضى غرورك
تجرى عشان تدفع اقساط وجمعيات و تحسن مستواك و ترضى طموحك..
تجرى عشان تربى ولادك وتعملهم اللى نفسهم فية
تجرى عشان تشيل حمل بيتك واولادك وزوجتك وتبقى الراجل المسالم الجميل اللى بيقول حاضر من غير مشاكل .
وفى وسط ماانت بتجرى بتلاقى نفسك عفويا عايز اجابة لسؤال جواك ماحدش يعرفة،ياترى فى حد حاسس بيك ، ولا كلة شايف ان دة العادى
طيب يا ترى حيجى اليوم ويترد لك دة ، ولا الكل حيبقى مشغول فى اللى يخصة..
الله وحدة اعلم بالاجابة بس الحقيقة انك حتفضل تجرى وتجرى وتجرى، وعمر المشوار ما حيخلص ،.
بس وقت ما انت نفسك يتقطع وتهبط وتبص وراك حتلاقى حتكتشف ببساطة انك جريت كتير .
بس نسيت حاجة مهمة جدا ( نسيت انك تعيش )
